Queremos amosar os nosos agradecementos á Xunta de Galicia, quen nos outorgou unha subvención para a consolidación do movemento asociativo, destinada a compensar os gastos correntes que orixinen o mantemento e o funcionamento das asociacións.
E agora, onde vivo? Unha alternativa ás residencias de maiores
Hoxe levamos a cabo un obradoiro no que falamos das diferentes opcións de habitabilidade que existen para as persoas maiores.
A sesión resultou moi interesante para as participantes!
Sorprendéronse ao coñecer as diferentes alternativas que existen, deixando a un lado as residencias tradicionais. Por suposto, estas últimas son unha boa opción, pero é preciso garantir unha atención centrada na persoa e na súa relación coa contorna.
Esta actividade, enmarcada dentro do noso Proxecto de Educación Familiar, foi posible grazas á subvención do IRPF da Xunta de Galicia.
Voluntariado Sénior
Grazas ás persoas voluntarias que colaboran en “Acompáñame”, o noso programa de Voluntariado Sénior, podemos apoiar a persoas maiores institucionalizadas.
Para agradecer a súa labor e adicación, convidámolas a unha comida na que, ademais de pasar un bo anaco, compartimos diferentes experiencias e vivencias.
Este programa está subvencionado pola Xunta de Galicia (Consellería de Cultura, Lingua e Xuventude).
Queremos agradecer á Xunta de Galicia por apoiar a súa implementación.
Grazas tamén a todos/as quenes formades parte do voluntariado! Sen vós non sería posible!
Grazas pola túa doazón!
Hoxe recibimos unha doazón de fichas de actividades variadas que serán de gran utilidade para as nosas actividades de reforzo educativo!
Moitísimas grazas á persoa que fixo esta gran aportación e a todos/as quenes nos apoiades! ?
Xestión de condutas problemáticas durante a infancia
Onte estivemos en directo a través do noso Instagram (afa_ferrol) para falar sobre os diferentes estilos educativos parentais, as condutas negativas que se presentan con maior frecuencia na infancia e a xestión destas dende o contexto familiar.
No que se refire aos diferentes estilos educativos, estes son catro: autoritario, permisivo, neglixente e democrático. Este último é o máis saudable e o que máis favorece as relacións familiares xa que, aínda que se establecen normas e límites, tamén existe un grao de afecto e apoio considerable por parte dos/das educadores.
En cando ás condutas negativas máis frecuentes nos/as infantes, entre estas destacan a desobediencia, o negativismo e as perrenchas. O feito de que estas aparezan non implica que exista un problema condutual. Forman parte do proceso evolutivo e, normalmente, desaparecen co tempo.
Concretamente, nesta actividade centrámonos en falar das perrenchas, xa que adoita ser a que antes aparece e a que pode ocasionar preocupación nos/as educadores/as nun primeiro lugar.
Finalmente, en canto á xestión destas perrenchas, falamos da importancia de amosar firmeza e serenidade para que o neno/a entenda que non é a forma correcta de actuar. Unha vez que se deu conta de que a súa conduta non foi efectiva e o seu desexo non vai ser conseguido, o importante é retirarlle a atención e non reforzar o seu comportamento, o que se coñece como realizar o acto da extinción. Para lograr este último hai que seguir unha serie de pasos, os cales tamén detallamos.
Non debemos esquecer que tamén é fundamental reforzar todas as condutas positivas que teñen lugar fóra das situacións das perrenchas para que aprendan cal é a forma correcta de realizar as súas peticións. Para iso, podemos aplicar diferentes elementos reforzadores. Convidámosvos a visualizar e escoitar a gravación no noso Instagram (@afa_ferrol) para saber cales son.
Como sempre, esta actividade, enmarcada dentro do noso Proxecto de Educación Familiar, foi posible grazas á subvención do IRPF da Xunta de Galicia.
Voluntariado Xuvenil
Otro año más, la Xunta de Galicia (Consellería de Cultura, Lingua e Xuventude) nos concedió la subvención de Voluntariado Juvenil.
Gracias a ella podemos implementar nuestro programa “Tempo de Lecer”. Este se realiza en la Residencia Mixta de Mayores de Caranza por personas voluntarias con edades comprendidas entre los 16 y los 30 años, quienes tienen la labor de acompañar a los/las residentes en la realización de diferentes actividades de ocio y tiempo libre, tanto dentro como fuera de la residencia.
¡Muchísimas gracias a la Xunta de Galicia por seguir colaborando en la continuidad de este programa!
Por un envellecemento activo!
O pasado xoves levamos a cabo un obradoiro destinado a persoas da terceira idade. Falamos sobre o concepto de vellez e as súas características, os prexuízos e estereotipos asociados, así como a importancia de ter un envellecemento activo para gozar dunha maior calidade de vida.
A sesión resultou moi enriquecedora e interesante! As persoas que asistiron á actividade participaron activamente, expresando, dende as súas propias vivencias, a súa perspectiva desta etapa da vida.
Esta actividade, enmarcada dentro do noso Proxecto de Educación Familiar, foi posible grazas á subvención do IRPF da Xunta de Galicia.
Relatos entre retais
A pasada semana demos a benvida un ano máis a “Relatos entre Retais”, un espazo de encontro e de creación onde as mulleres tecen redes, entrecruzan fíos e comparten experiencias e sentires.
Esta actividade forma parte do noso Programa de Intervención Integral destinado á Comunidade Xitana do Concello de Narón.
+INFANCIA
+Infancia é un programa destinado a menores en situación de vulnerabilidade e as súas familias.
A coordinación do programa vai da man de Dignidad Galicia, que traballa en rede con diferentes centros educativos, administracións e entidades da zona.
Entre as distintas actuacións enmarcadas neste programa, en Acción Familiar Ferrol encargámonos das actividades de reforzo educativo e atención psicoterapéutica.
Grazas á combinación de ambos servizos ofrécese unha atención integral e personalizada que aborda tanto as necesidades educativas como emocionais dos/das menores e as súas familias, contribuíndo ao seu benestar e desenvolvemento integral.
A comunicación na era da incomunicación
Onte estivemos en directo a través do noso Instagram (@afa_ferrol) con Carla Saborido, educadora social.
Esta vez falamos sobre o impacto que teñen as tecnoloxías da información e a comunicación na forma que teñen os/as adolescentes de relacionarsde e a importancia de fomentar estilos comunicativos saudables nunha era na que predominan as relacións sociais dixitais.
Como xa sabedes, esta actividade, enmarcada dentro do noso Proxecto de Educación Familiar, será posible grazas á subvención do IRPF da Xunta de Galicia.
Se vos interesa esta temática, xa podedes visualizar e escoitar a grabación en Instagram!
